احساس صعب انك تعيشي في مكان تحسي في انك لحالك مع انو كل اهلك حولك.
ايام كتير حسيت فيها اني عايشة لحالي ولحد الان للاسف بعيشها مني عارفة ليش؟ الحمد لله انو المدرسة موجودة لأنها بتنسيني او بالاصح بتخفف عليا اشياء كتير تقريبا لنص اليوم , صاحباتي والمشاريع والمذاكرة وووو اشياء كتير مع انو كتير يشوفها صعبة ومالها داعي في المدرسة بس انا عاجبتني . فكرة انو الاجازة جاية مرة قالقتني مني عارفة ايش راح اعمل.
يمكن ناس كتير يقولو انو ما في شي يخلي الانسان يحس كدا او انو بيدلع او او و او وانا عن نفسي قلت لنفسي الكلام دا كتير بس بطلت اقنع نفسي بي لأني عارفة انو بالنسبالي الموضوع يستاهل عشان اللي جرب مو زي اللي ما جرب .
نفسي اتكلم احد كبير مو بس في دا الموضوع في مواضيع كتير تعجبني او تضايقني كمراهقة اوغير كدا اتمني انو يكون دا الشخص امي او اختي بس للاسف ....
I feel lonely
السلام عليكم ..
ردحذفمروج بصراحة أنبسطت لمن عرفت أنّه عندك مدوّنة
وزعلت من الإحساس إللي أنتي حاسّتو دحين ..
طيب أنا أحيانا أحس زيّك
والإجازة دي ما أعترف فيها مو يعني إنّي أحب الدراسة لأ
أنو راح أنجز فيها حاجات كتير
دحين مشروعي للأسبوع الإجازة دا ..
ترميم سطوح بيتنا
سطوح بيتنا الجدار حقّو مقشّر ومو عاجبني ..
فكّرت أنو أدهنو وأرسم عليه ..
بما أنّك تحبّي الرسم والشغلات دي
فكّري مثلا تسوي في غرفتك أو شي
بس مو تخربيه هههههه
يللا يا ستّي موفقّة يارب
وسوري عالكلام الكتير :)